म्याग्दी ।  मुख्य निर्वाचन अधिकृतको कार्यालय म्याग्दीले जिल्लामा करिब ६० प्रतिशत मत  खसेको प्रारम्भिक अनुमान गरेकाे  । म्याग्दीमा मतपेटिका सदरमुकाम बेनीमा ल्याउन थालिएको छ । १६ वटा मतदान स्थलका मतपेटिका बेनी आइपुगेकाे निर्वाचन अधिकृतको कार्यालयले जनाएकाे छ ।

प्रतिनिधिसभातर्फ एक र प्रदेशसभातर्फ दुई निर्वाचन क्षेत्र रहेको म्याग्दीमा निर्वाचित हुने तीन पदका लागि विभिन्न राजनीतिक दल र स्वतन्त्र गरी १९ उम्मेदवार चुनावी प्रतिस्पर्धामा छन् ।

बेनी नगरपालिका, रघुगङ्गा र अन्नपूर्ण गाउँपालिकालाई समेटेको ४९ मतदानस्थलमा ६८ वटा केन्द्र रहेको प्रदेशसभा क्षेत्र (१) मा ४८ हजार चार सय ७२ मतदाता छन् । मङ्गला, मालिका र धवलागिरि गाउँपालिका समावेश ३३ स्थलमा ५१ केन्द्र रहेको प्रदेशसभा क्षेत्र (२) मा ३७ हजार छ सय ४८ मतदाता छन् ।