गणेश पहारी,

पोखरा । पोखरामा महानगरपालिका वडा ६ बैदाममा अवस्थित  ताल बाराही माध्यमिक विद्यालयको व्यवस्थापन समितिको अध्यक्षमा पुनः कृष्णप्रसाद न्यौपाने चयन भएका छन् ।

आइतबार बसेको बिद्यालय व्यवस्थापन समितिको बैठकले न्यौपानेलाई आगामी ३ वर्षका लागि अध्यक्षमा सर्वसम्मत चयन गरेको हो। नौ सदस्यीय समितिमा वडा प्रतिनिधि बासुदेब बराल, अभिभावकहरुबाट सदस्यहरुमा गिरीराज अधिकारी,बालकृष्ण मल्ल र रमा अधिकारी रहेका छन्। त्यसै गरी वडा शिक्षा समितिबाट तेजनाथ न्यौपाने र शिक्षक प्रतिनिधिमा देवीकुमारी के.सी चयन भएका छन्। एक सदस्य पछि विद्यालयले मनोनित गर्ने गरी ९ सदस्य नयाँ विद्यालय ब्यबस्थापन समिति गठन गरिएको विद्यालयका प्रअ ताराप्रसाद पोखरेलले जानकारी दिनुभएको छ ।
नवनियुक्त पदाधिकारीहरुलाई आइतबार नै पदस्थापन गरिएको थियो । नव नियुक्त अध्यक्ष न्यौपानेले ‘आफ्नो कार्यकालमा विद्यालयको शैक्षिक गुणस्तर सुधारका साथ आर्थिक तथा भौतिक उन्नतिका लागि प्रयत्नशिल रहने’ बताउनुभयो ।
प्रधानध्यापका पोखरेलले “नव निर्वाचित व्यवस्थापन समितिले विद्यालयलाई कास्की जिल्लाकै नमुना विद्यालय बनाउनेमा आफू विश्वस्त” रहेको बताउनुभएको छ ।