बागलुङ। जैमिनी नगरपालिका-५, विनामारेमा ५७.३५ प्रतिशत मत खसेको छ ।

सर्बोदय जनक माध्यमिक विद्यालय केन्द्र ‘क’ मा ३३५ महिला र २४७ पुरुष र ‘ख’ केन्द्रमा ३०० महिला र २६१ पुरुषले मतदान गरेका छ्न् । बिनामारेमा १९९३ मध्ये ११४३ मत खसेको छ अर्थात् ५७:३५ प्रतिशत मत खसेको हो । करिब ४३ प्रतिशत जनताले भोट हालेन्न ।

वैशाख ३० गते शुक्रबार सम्पन्न स्थानीय तहका निर्वाचनका मतपेटिकाहरू नगर निर्वाचन अधिकृतको कार्यालय, कुश्मिसेरामा ल्याउने क्रम जारी रहेकाले मतगणना भने शनिबार बिहानदेखि सुरु हुने स्रोतले जनाएको छ । जैमिनीमा सम्पूर्ण मतदान केन्द्रहरूमा शान्तिपूर्ण रूपमा निर्वाचन सकिएको निर्वाचन अधिकृतको कार्यालयले जानकारी जनाएको छ ।
विनामारेमा गठबन्धनबाट नेपाली कांग्रेसका ठगबहादुर क्षेत्री थापा र एमालेको तर्फबाट ७० बर्षिय कृष्ण बहादुर हमाल वडाअध्यक्षको प्रत्यासित रहेका छ्न ।